كورس المختصر المفيد في عالم تصميم الشعارات

الكورس ده مش للمبتدئين!
ده معمول للمصممين اللى فاهمين أدوات الفوتوشوب والإليستريتور وعندهم أساس التصميم… وعايزين ياخدوا Step أكبر ويخشّوا مرحلة الاحتراف الحقيقي.
طيب اللى معندهوش خبره فى الادوات فأنا هرشحلك بعض القنوات التعليمية على اليوتيوب بتشرح الادوات بأسلوب بسيط وسهل هقولك عليهم بعدين
اسم الكورس: المختصر المفيد
ومش مجرد اسم… ده حقيقة الكورس كله:
مختصر + مفيد + مباشر على الشغل وتطبيقات حقيقية.
الجزء الأول – تصميم الشعارات باحتراف
هتشوف كل الطرق اللى بشتغل بيها بقالي أكتر من 15 سنة…
فيديوهات مسجلة بشرح واضح + أمثلة عملية حقيقية،
وكمان محتوى تقيل بجد:
أكتر من 6 ساعات شرح عملي لطريقة التفكير، والرسم، وبناء الشعار خطوة بخطوة.
والصراحة… النوع ده من الشرح مش أي حد هيقدر يستوعبه.
الكورس معمول لمصممين فاهمين البرامج…
لإن تصميم الشعار مش بداية الطريق،
تصميم الشعار هو أعلى مرتبة في التصميم وهو أهم عنصر في الهوية البصرية… ودي مسؤولية كبيرة مش شخص لسه بيتعلم يقدر يشيلها.
والأقوى بقى… الشرح شامل الإليستريتور + الفوتوشوب
كلنا متعودين إن الإليستريتور هو برنامج الـ Vector الأساسي لتصميم الشعارات… وده طبعًا موجود وبقوة، لكن الجديد مش البرنامج… الجديد هو طريقة الشرح وطريقة الشغل.
المفاجأة بقى في الفوتوشوب:
ناس كتير فاكرة أنه برنامج صور وبكسلة وبس…
لكن في الكورس ده هتعرف “السر” اللي ناس قليلة جدًا تعرفه:
إزاي ترسم شعارات Vector كاملة على الفوتوشوب بدون أي بكسلة ولا فقدان جودة،
وتطلع شغل بنفس قوة ودقة الإليستريتور — خطوة بخطوة من البداية للاحتراف.
ومش بس كده…
هتعرف كمان إن الفوتوشوب مش بس للتصميم:
تقدر تعمل عليه مونتاج فيديو بسيط
تعمل صور متحركة
تعمل Motion وتحريك للشعارات
وحاجات كتير ناس كتير متعرفهاش لأن محدش قالهم… ومش كل الناس بتحب تقول المعلومات دي
وهنا لازم أقولك حاجة مهمة جدًا…
أنا مش ببيعلك كورس، أنا ببيعلك خبرة سنين شغل وتعب وتجارب ومواقف واتعلمت منها.
وأنا شخصيًا لما باجي أتعلم أي حاجة في حياتي، أول سؤال بسأله:
“هتعلم من مين؟ وإيه مؤهلاته؟ وهل هو فعلًا وصل لمرحلة تستحق إني أسمع منه؟”
وعشان فيه ناس جديدة لسه بتتابع الصفحة ومتعرفنيش… بطلب منك تدخل تشوف أنا مين،
وشوفت شغلي فين؟ واشتغلت مع مين؟ وبقالي كام سنة في المجال…
وبعدها خد قرارك
الجزء الثاني – التعامل مع السوق والعميل
إزاي تجذب العميل الصح؟
إزاي تقنعه بقيمة شغلك؟
إزاي تبيع الشعار بثمن محترم؟
وإزاي تأمّن نفسك من النصب والمشاكل؟
ده مش كلام نظري… ده خبرة شغل وسنين.
الجزء الثالث – ملحقات تصميم الشعارات
أكتر من 4000 خط عربي + إنجليزي مدفوعين
أدوات وأشكال تساعدك في الرسم والبناء
أشكال التشكيل العربي كاملة
شبكة تربيعية للكوفي جاهزة
برنامج Kelk 2010 نسخة أصلية
طيب… كل ده تكلفته كام؟
سعر الكورس كله = تمن شعار واحد بس من شغلي.
وده دعم مني لأي مصمم عايز يكبر ويطوّر نفسه… وأنا محتاج منكم الدعاء بس
الكورس شامل كل طرق رسم وتصميم الشعارات اللي بشتغل بيها من أكتر من 10 سنين.
هتتعلم مش بس ازاي ترسم لوجو… هتتعلم ازاي تفكر كـ Brand Designer محترف، وتتعامل مع العملاء بطريقة صحيحة.
الكورس مش للمبتدئين… هو للمصممين اللي عندهم خبرة بأساسيات الفوتوشوب والإليستريتور وعايزين يرتقوا بمستواهم بشكل احترافي.
مع الكورس هتحصل على شنطة ملحقات تصميم الشعارات: مجموعة عناصر، خطوط، أيقونات،
لو ناوي تكون مصمم محترف مش مجرد “راسم لوجو”
يبقى الكورس ده معمول علشانك أنت.